કુસંગ ઓળખી રાખજો, રહેજો તેથી દૂર;
નહિ તો રહેવા નહિ દે, જ્ઞાન હરિની હજૂર...૦૧
કુસંગ કદી કરવો નહિ, કુસંગ છે દુઃખરૂપ;
જ્ઞાન કુસંગના યોગથી, મુક્તો થયા કુરૂપ...૦૨
કુસંગ લુખા કરી નાંખે, ઉદ્વેગ દે અપાર;
માટે કુસંગથી બચજો, જ્ઞાન કરી વિચાર...૦૩
કુસંગ સગો થશે નહીં, મારશે તમને ઠાર;
જ્ઞાનાકાર રહો તેથી, નિયમ ધરી સારધાર...૦૪
જીવનભર કરી હરિએ, કુસંગની નિંદા જ;
જ્ઞાન તે શું નથી જાણતા ? તે છે દુઃખદાતા જ...૦૫
કલ્યાણ નિજનું કરવું છે, તો રહેવું સાવધાન;
જો ન જોઈતું હોય તો, મનમુખી રહો જ્ઞાન...૦૬
જેણે જેણે યદા યદા, કર્યો હતો કુસંગ;
જ્ઞાન હેરાન થયા છે, આ છે વાત અભંગ...૦૭
હોય આનંદ વરતતો, સુખનો ન હોય પાર;
જ્ઞાન કુસંગ જો થાય તો, થૈ જાય તે ત્યાં ઠાર...૦૮
કુસંગ તરત આપે છે, અંતરે અતિ લુખાશ;
જ્ઞાન એને છોડી ધો, એ છે મોટી કાશ...૦૯
કુસંગ કોઈને ન મૂકે, લૂંટી લે છે સાવ;
જ્ઞાન એને છોડીને, સદા રાખોને માવ...૧૦
